الجزء الأول .. Reading Section .. عايز امتحن التويفل

فى البوست اللى فات  اتكلمنا فى مقدمة عن ايه هو امتحان التويفل ومعلومات عامة عنه .. النهاردة هنبدأ نتناقش ف جزء جزء فى الامتحان وأنواع الأسئلة اللى بتيجي وازاى نحلها
طبقا لآخر تحديث ليه فى تاريخ كتابة البوست دة TOEFL iBT أذكركم أن اللى هنعرضه يختص بامتحان
(يعنى لو قريت البوست دة متأخر بعدها بشهور أو سنين .. اتأكد أنهم مغيروش نظام الامتحان الأول من الموقع بتاعهم (بيحصل تغيير باستمرار بس مش بيبقي جوهرى

على جنب افكركم بردو أن التويفل دة لا يقيس قدرتك على فهم أو التحدث باللغة الانجليزية ولا أى بتنجان
التويفل ما هو إلا امتحان هتعرف نظامه ايه وازاى تحله عشان تجيب سكور عالى .. وبس كدة
😀 وكأثر جانبي لمزاكرتك للامتحان هتلاقي مستواك فى الانجليزى اتحسن شوية

أجزاء الامتحان

Reading الجزء الأول وهو جزء ال –
مدته بتتراوح من 60 لـ 80 دقيقة .. بتحل فيه 3 أو 4 قطع فهم بتبقي من الكتب الأكاديمية
مجموع الأسئلة كلها اللى بتحلها على القطع بيتراوح من 36 لـ 56 سؤال .. حسب الامتحان

Listening الجزء التاني وهو جزء ال –
مدته بتتراوح من 60 لـ 90 دقيقة .. بتسمع فيهم محاضرات أو مناقشات جوة فصل دراسى أو بين طلبة وبتجاوب على الأسئلة
مجموع الأسئلة اللى بتحلها على كل اللى بتسمعه من 34 سؤال لـ 51 سؤال

بريك عشر دقايق .. مسموحلك فيه تقوم من مكانك وتطلع برة مكان الامتحان وتدخل .. تروح الحمام .. تاخد تليفونك تتكلم .. تعمل أى حاجة
المهم متتأخرش عن 10 دقايق عشان هتلاقي الامتحان كمل أسئلة لوحده والتايمر بدأ يعد

Speaking الجزء التالت وهو جزء ال –
مدته 20 دقيقة .. بتجاوب فيهم على أسئلة مختلفة .. منها اللى بيسألك عن رأيك فى موضوع معين ومنها اللى بيسمعك حاجة وترد تجاوب عليه … ومنها اللى بتقرا حاجة وترد بعدها

Writing الجزء الرابع والأخير وهو جزء ال –
مدته 50 دقيقة .. بتحل فيهم سؤالين .. السؤال الأول بيطلب منك تكتب عن موضوع معين .. والسؤال التاني بتقرا قطعة فهم وتسمع بعدها حد بيعلق على القطعة وتكتب بعدها تحليلك أنت الشخصي

  بيبقوا حاطينها للتجربة وبيزودولك وقت ليها Listening أو الReading أحيانا فى الامتحان بيحطوا أسئلة زيادة فى الجزء بتاع ال
بس وانت بتحل مش هتعرف انهو فيهم السؤال الزيادة .. فلازم تحلهم كلهم بنفس مستوى التركيز والفهم

Reading هنتكلم عن كل جزء فى بوست لوحده وهنبدأ بال

Reading Section

قطعة الفهم هي قطعة بتبقي جاية من كتاب أكاديمى .. أو مستوحاة من محتوى أكاديمي … بمعني أنه مش هيجيبلك قطعة من رواية لاتينية قديمة مثلا ولا جزء من مسرحية لشكسبير .. بتبقي حاجة عن معلومات ممكن أى حد يقراها يفهمها
القطعة اللى بتيجي مش بتجيلك فى مجال معين .. ولا فى مجال تخصصك .. دى بتجيلك عشوائي من قطع كتير عندهم .. وممكن يبقي حظك حلو وتجيلك قطعة فى مجالك (على الرغم أنها ممكن تبقي ف مجالك بس كلماتها فاهمها بالعافية) .. المهم أنك تتوقع الحاجة اللى هتجيلك فى أى مجال

كل قطعة بيبقي وراها 13 سؤال .. وهنشوف أنواع الأسئلة اللى بتيجي كمان شوية

لو جابلك 3 قطع فالوقت الكلي فى الجزء دة بيدهولك 60 دقيقة .. ولو كان حاطط قطعة فى النص زيادة (زي ما قولنا أنهم ممكن يزودوا أسئلة للتجربة وأنت مش هتعرفها) فالوقت الكلي بيبقي 80 دقيقة .. يعني تحاول تظبط نفسك أن كل قطعة ما تاخدش منك أكتر من 20 دقيقة فى قرايتها وحلها عشان ما تضغطش على وقت القطع اللى بعدها

وتروح للقطعة اللي بعدها مش هتعرف ترجع للي قبلها continue حل كل قطعة وخلص أسئلتها كلها عشان لما تدوس

المهارات اللى بيحاول يقيسها

فهمك لمعاني الكلمات من مضمون القطعة .. حتي ولو كانت مش مجالك –
them أو he أو that فهمك للكلمات اللى بتشاور على كلمات تانية قبلها .. زي مثلا –
قدرتك على تبسيط معاني الجمل –
قدرتك على أنك تحط جمل جديدة مش موجودة فى القطعة .. بس تحطها فى المكان الصحيح اللى يكمل معني القطعة –
قدرتك على استخلاص الحقائق أو المعلومات الثابتة (اللى هي مش رأي الكاتب) من القطعة –
فهمك للحقائق السالبة .. أو الحقائق اللى بتنفي وجود أراء تانية –
استخلاصك استنتاجات من الحقائق والأراء المذكورة –
فهمك للمقصود من المعانى البلاغية .. بمعني أن فى جمل مش بيبقى المقصود بيها المكتوب حرفيا  –
تلخيصك للقطعة –
قدرتك على استكمال الجداول أو الرسوم التخطيطة للقطعة –

قبل ما نبدأ نشوف نظام الأسئلة

 عشان نروح للسؤال اللى بعده next اتعود على شكل شاشة الامتحان من خلال البرامج اللى نزلناها فى البوست اللى فات .. اعرف ازاى هندوس –
وازاى تتنقل بين الأسئلة بسهولة وتراجع اجاباتك .. تعودك على شكل البرنامج بتاع الامتحان بيوفرلك وقت
وأنت فى الامتحان .. قبل ما بيجيبلك القطع عشان تقراها بيقعد يقولك ازاى تستخدم البرنامج والوقت المتاح والتعليمات .. اعرف الحاجات دى وانت بتدرب و وأنت فى الامتحان عديها عشان ما تتشتتش –
متقلقش لو القطعة فى مجال مش مجالك .. أحيانا بتبقي أسهل من لو جاتلك قطعة فى مجالك –
اعرف السؤال عايز منك ايه قبل ما تحله من شكله .. ودة هنعرفه الحتة اللى جاية –
لو الاجابات بتاعت الأسئلة متقاربة … فهو بيبقي طالب أدق اجابة –
متخدش وقت كبير متنح قدام سؤال انت مش واثق فى اجابته دلوقت .. اختر اللى جه فى بالك فى الأول .. واكتب رقم السؤال فى الورقة .. وابقي ارجع تنح قدامه بعد ما تخلص باقي الاسئلة –
خد بالك من الوقت على الشاشة فوق على اليمين .. متسبش الوقت يسرقك –
لو الوقت بيخلص منك وفاضلك كام سؤال .. خمن الاجابات متسبهاش فاضية –

تعالوا نشوف نظام الأسئلة

فى عندنا نوعين من الأسئلة .. أسئلة بتختبرك على مستوي الكلمات نفسها فى القطعة … وأسئلة بتسألك على مستوى الجمل على بعضها ومعناها

 على مستوى الكلمات

.1
أول نوع من الأسئلة وهو بيسألك فى فهمك لمعانى الكلمات من سياق الكلام .. طبعا لو كنت أنت عارف معني الكلمة من سابق تدريبك ف دة خير وبركة .. بس فى الغالب بيبقي المقصود من نوع الأسئلة دى أنك تعرف تخمن معني الكلمة لو مش عارفها
تعرف الأسئلة دى ازاى؟ هتلاقي السؤال بتبتدى بـ
Word X is closest in meaning to ..?
Word X could be replaced by ..?
للكلمة فى القطعة عشان تعرف هو يقصد أنه كلمة بالظبط highlight وبيبقي عاملك
هتلاقي الاجابة فين؟
هتدورعليها فى المضمون اللى حوالين الكلمة لو مش عارف معناها .. ولو عارف معناها بردو ارجع اقرا الكلام اللى حواليها واتأكد أن المعنى اللى عارفه ماشي مع سياق الكلام عشان ممكن تكون الكلمة ليها أكتر من معني
ازاى تحل السؤال دة؟
شوف الكلمة فين –
اقرا الجملة بتاعتها –
حاول تدور على الكلمات اللى حواليها اللى بنقول عليها مفاتيح الحل –
اختار أفضل اجابة توصل المعني المطلوب –
طيب بردو ازاى افهم الكلمات من الجملة بتاعتها؟
فى كذا حاجة هتساعدك تفهم المعني
The salmon is a fish زي مثلا verb to be ال –
دة نوع سمك salmon فهمنا أن ال is يبقي الفعل
, ,ودي الجمل التوضيحية اللى بتبقي بين اتنين appositives فى حاجة اسمها –
Mercury, the silver-colored metal used in  thermometers, is usually in a liquid form
دة نوع من المعادن لونها فضي بتستخدم فى الترمومتر mercury الجملة الاعتراضية فى النص وضحتلي أن ال
يعني بيقولنا أنه الزئبق اللى كلنا عارفينه
علامات الترقيم بتساعدك تعرف تركيب الجملة .. ومنها تعرف معني الكلمة المطلوبة –
,  –  ( )  { }  ‘ ‘  ” ”
بعد الكلمة .. زي توضيح كدة or ممكن يجيبلك كلمة –
The husky, or a sled dog, of the North is a hardy breed
هو من فصيلة الكلاب husky ومنها عرفنا أن ال
ممكن تعرف معني الكلمة لو جبلك أمثلة عليها بعدها .. زي مثلا –
Percussion instruments, such as drums,…….
دى الآلات اللى زي الطبل وما إلي ذلك Percussion instruments ومنها نفهم أن ال
that, which, who, when, where, whom النعت بصفة باستخدام –
Airships, which are cigar-shaped steerable balloons, can be used for many purposes
عبارة عن بالونات .. يعني يقصد بيها المناطيد airships ومنها نفهم أن ال
الكلمات المرجعية .. وهي الكلمات اللى بتشاور علي حاجة فاتت أو حاجة لسة هتيجي .. زي مثلا –
The solar-powered batteries in the ERS-1 are expected to function for at least 2 years, during which time this satellite will be able to gather more…
وعرفنا أنه قمر صناعى this sattelite بس احنا استنتجنا معناها من ERS-1 هو بيسأل عن معني كلمة
:التضاد .. وزي ما بيقولوا “وبضدها تتميز الأشياء” .. فهنلاقي مثلا فى حاجة زى –
The brief scenes in the movie focus on the boy, whereas the longer scenes focus on the women
مش أن معناها اختصار longer هنا مقصود بيها أنها عكس brief واضح أن
الكلمات التانية اللى موجودة فى الجملة ممكن تساعدك بردو تعرف معني الكلمة المطلوبة –
In order to sip the nectar  with its long tongue, the bee must dive into the flower and in so doing becomes dusted with the fine pollen grains from the anthers
دة المقصود بيه رحيق .. عشان حواليها كلام زي نحلة ويمتص وزهرة .. وهكذا nectar احنا ممكن نفهم أن ال

دة كان أول نوع من الأسئلة اللى على مستوى الكلمات .. ولازم بيجيلك سؤال أو اكتر زي دة
تعالو نشوف تاني نوع

.2
referents النوع التاني  من الأسئلة .. وهو اللي بيشوف قدرتك على تعرف الكلمات اللى بتشاور على بعض واللى بنقول عليها
تعرف الأسئلة دى ازاى؟ هتلاقي السؤال بيبتدى بـ
X refers to ….
هتلاقي الاجابة فين؟
بتشاور على كلمة عدت قبلها .. فهتدور فى الكلمات أو الجمل اللى قبلها highlight هتلاقي الكلمة اللى معمولها
ازاى تحل السؤال دة؟
شوف الكلمة فين –
بص على الكلمات اللى جايبها فى الاختيارات واللى هتكون مذكورة فى الكلام قبلها –
جرب كدة كل كلمة وشوف المعنى ماشي ولا لأ –
لو الدنيا لسة مخبطة معاك خالص .. استبعد الكلمات اللى مش ممكن تكون مقاربة للمعني واختار بعدها –
فى الغالب
 كتير referents كل الكتاب بيحبوا يشاوروا على الكلمات اللى قالوها وميكرورهاش تاني .. عشان دة بيبقي خطأ أدبي التكرار فى الكلام .. فتوقع أنك هتلاقي من ال
وهكذا they, you, them, his, their, ..زى مثلا أنه يستخدم

ودة كان تاني نوع من الأسئلة اللى بتجيلك علي مستوى الكلمات .. واللى هيجيلك منها أكتر من سؤال

النوعين دول من الأسئلة بيشكلوا جزء لا بأس به من ال 13 سؤال بتاع كل قطعة .. يعني درجتهم المفروض أنها فى جيبك من أول ما تبدأ تحل

على مستوي الجُمل

المجموعة التانية من الأسئلة وهيا اللى بتسألك عن الجمل والمقصود من الكلام ورأي الكاتب والحقائق وما إلي ذلك
….. ودى اللى هنتكلم عنها فى البوست اللى جاي

 لو انت مش مهتم بامتحان التويفل بس تعرف حد ناوي يدخله ممكن تعمله شير للبوستات دى .. خلاصة تجربة شخصية حابب أى حد يستفاد منها
🙂 🙂

تعديل: ممكن دلوقت تزاكر كل الاجزاء من اللينك دة
https://abdelrahmanhosny.com/category/toefl-ibt/

15 thoughts on “الجزء الأول .. Reading Section .. عايز امتحن التويفل

  1. السلام عليكم
    هو التوفل ده امتحان بس.
    يعني مش زي ال(icdl)

    بروح مركز معتمد والمركز ده بيديني كورسات و ف الاخر يمتحني

    Like

  2. لو سمحت في الريدينج هما بيدونا ورق ناخد فيه ملاحظات ؟
    لاني انا بعد تدريب كتير لسه مش بعرف احل السؤال مظبوط الا لو اخدت ملاحظات لاني بنسي السؤال والاختيارات علي ما اقرا الجزء اللي فالقطعه والعكس مش بركز غير لما اكتب وشكرا.

    Like

    1. لا بيدوكي الورق من اول ما تدخلي قاعة الامتحان بيفضل معاكي في كل اجزاء الامتحان .. لو خلصتي كتابة وشخبطة فيه في اي وقت في النص بترفعي ايدك وتطلبي منهم ورق تاني .. بياخدوا القديم اللي كتبتي فيه ويدوكي ورق تاني فاضي غيره
      انتي بتحتاجي تكتبي نوتس في كل اجزاء الامتحان

      Like

leave your feedback

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s