Speaking Section .. عايز امتحن التويفل

Speaking Section والنهاردة هنتكلم عن الـ Reading & Listening اتكلمنا فى البوستات اللى فاتت عن الجزئين الخاصين بالـ
وتفتكر أنك ضعيف فى التحدث بالانجليزى .. كلنا هذا الشخص Speaking ماتتخضش أول ما تسمع ال
فى البوست دة هتتدرب على أنماط الاجابة بالظبط اللى هتحل بيه فى الامتحان وتجيب بيه سكور عالي فى الجزء دة

بالذات لازم افكرك أن التويفل مش هيقيس قدرتك على أي بتنجان  .. لأن كلنا بنعرف نحله ازاى وبندخل الامتحان من غير مهارات Speaking وفى الجزء بتاع الـ
التويفل ما هو إلا امتحان هتعرف نظامه ايه وازاى تحله عشان تجيب سكور عالى .. وبس كدة
😀 وكأثر جانبي لمزاكرتك للامتحان هتلاقي مستواك فى الانجليزى اتحسن شوية
(أنا عارف أنك زهقت من الجملة دى بس دى حقيقة)

Speaking Section

:الجزء الخاص بالتحدث بيحاول يقيس مهارتك فى الحاجت اللى جاية دى وانت بتتكلم
ودة كلامك مرتب ازاى .. وهنعرف كمان شوية انه متقسم للمقدمة ووسط الكلام والخاتمة :Organization ترتيب الكلام –
أن أفكارك فى الكلام تكون واضحة وبتخدم اجابة السؤال .. يعني مش بتقول أى هري وخلاص :Ideas Development الأفكار –
ودة بيشوف ثروتك اللغوية .. وتوظيفك للكلمات اللى عارفها بشكل صحيح :Vocabulary Diction استخدامك للكلمات والمصطلحات بفصاحة –
ودة يتضمن تركيب الجملة تركيب صحيح واستخدام الأزمنة صح وما إلي ذلك :Grammar قواعد اللغة –
ودي طريقة كلامك .. ثقتك فى نفسك .. مخارج حروفك :Accent اللهجة –
وآخر حاجة أن ردك يكون شامل اجابة على السؤال وافية وكاملة .. مش ناقصة –

الجزء دة عبارة عن 6 أسئلة .. تعالى نشوفهم واحدة واحدة

Independent Task – Free Talk السؤال الأول
السؤال دة بيطلب منك اجابة على حاجة معينة برأيك الشخصى .. ملهاش اجابة محددة يعني لازم تتقال
Where would you like to be in ten years? Use details to support your response :يعني علي سبيل المثال يقولك
بمعني آخر .. بيطلب منك تتكلم بحرية عن حاجة معينة
بيديلك 15 ثانية تفكر فيهم هتقول ايه .. و45 ثانية تقول اجابتك بعد ما تسمع صوت البدء
استني ما تقلقش .. مش محتاج تجود ولا تبدع فى السؤال .. الاجابة بتاعتك خليها شبه كدة
I like to do ……….. for the following reasons. Firstly <or First reason is >, …………………….. .
What I mean by that is ….. (supporting idea 1).
Secondly < or Second reason is >, …………………… .
What I mean by that is …… (supporting idea 2).
You may add another reason and a supporting idea
Give an example on your reasons.
That’s why I love …. < or that’s why I feel so >
النص اللى بالأخضر احفظه زي ما هو كدة (أو كلمات بنفس المعني من عندك) بس الترتيب دة لازم يكون بالشكل دة
تعرض الأول رأيك فى جملة

تقول سبب أو وتدعمه بفكرتك و تقول سبب تاني وتدعمه بفكرتك ولو الوقت يسمح قول سبب تالت ودعمه بفكرتك
(تقول مثال على أسبابك أو تجربة شخصية عديت بيها (خد لبالك من الوقت انه مش هيكفى تحكي .. هتقول جملة أو اتنين وبخ على كدة
تختم بجملة واحدة وخليها ثابتة وريح نفسك عشان متفكرش فيها
خد لبالك أن ال 15 ثانية اللى هتفكر فيهم مش هيسمحولك أنك تفكر كتير .. يدوبك يكفوا تملا الفراغات فى النص اللى فوق
اوعي وانت بتتكلم تسرح وتقول “مممم” أو “اييه ايييه” أو أى حاجة تدل أنك بتجمع فى الكلام لأن دة هينقص درجتك على طول
متتكلمش كلمتين وتطلع تجري .. حاول تستغل ال45 ثانية كلهم .. بس ما تكررش كلام عشان تملا وقت وخلاص .. اتدرب كتير على الحتة دى
مش مشكلة لو فى ثانيتين أو تلاتة فى الآخر ما اتكلمتش فيهم .. بس مشكلة لو انتهى الوقت وانت لسة مقولتش جملة الخاتمة
لو حسيت أن الوقت خلاص .. اقفل الجملة اللى بتقولها وقول الخاتمة على طول
ماتتكلمش بسرعة عشان تلحق وما تتكلمش بالراحة قوي بطريقة تحسس اللى بيسمع أنك بتقرا من ورقة
النصايح دى تطبقها على كل الأسئلة اللى جاية

Independent Task – Paired Choice السؤال التاني
ودة زي السؤال اللى فوق بردو .. بيطلب منك رأي .. بس بيخيرك بين اجابتين .. لازم تختار واحدة منهم وتجاوب
Do you prefer to work in a team or individually? Use details and examples to support your answer :على سبيل المثال
ليك مطلق الحرية تختار أى اختيار وتجاوب فيه .. مفيش اختيار صح واختيار غلط يعني .. بس اوعى اوعى اوعى تغلط وتقول أحيانا كدة وأحيانا كدة
sometimes I prefer to work in a team and others individually يعني اوعي تجاوب ان
حتي لو انت كدة فعلا … اضغط على نفسك واختار اجابة واحدة بس ودعمها بالأسباب والأمثلة
بردو بيديلك 15 ثانية تفكر فى اجابتك وبعدها 45 ثانية تتكلم بعد ما تسمع صوت البداية
:ممكن اجابتك ترتبها زي اجابة أول سؤال بالشكل دة
If you ask me whether to choose between x or y, I would definitely choose y for the following reasons.
Firstly <or First reason is >, …………………….. .
What I mean by that is ….. (supporting idea 1).
Secondly < or Second reason is >, …………………… .
What I mean by that is …… (supporting idea 2).
You may add another reason and a supporting idea
Give an example on your reasons.
That’s why I love …. < or that’s why I feel so >

Integrated Tasks – Reading, Listening and Speaking السؤال التالت والسؤال والرابع
فى الجزء دة بتقرا حاجة فى الأول .. وبعدها بتسمع محادثة ليها علاقة باللي قريته .. وبعدها بتجاوب على السؤال
:بيديك 45 ثانية تقرا فيهم حاجة .. تحاول على قد ما تقدر
تستوعب الفكرة الرئيسية للى قريته –
دور فيها على الأفكار الداعمة للفكرة الرئيسية والأمثلة المذكورة –
افهم هيكل القطعة بشكل عام –
خلى بالك أن ال 45 ثانية مش كتير .. يعني متقراش كل كلمة وتركز أوي لو حاجة مفهمتش معناها –
:بعدها بتسمع محادثة ليها علاقة بالكلام اللى قريته .. مهمتك فى اللي بتسمعه أنك تركز أوي ف
الأفكار الرئيسية للمحادثة –
(الأفكار الداعمة والأمثلة اللى بيقولوها (مهمة جداااااا –
:بعدها بيسيبلك 30 ثانية تحضر فيهم اجابتك على السؤال .. مهمتك بقي فى الوقت دة أنك
تفهم ازاى اللى قريته واللى سمعته مرتبطين ببعض .. هل اللي كانوا بيتكلموا بيوافقوا ولا بيعترضوا على اللى مذكور فى اللى قريته –
لو كانوا موافقين على نفس الأفكار .. ايه الأمثلة اللى قالوها تدعم فكرتهم –
لو كانوا معارضين للمكتوب .. ايه الأسباب اللى ذكروها عشان يعترضوا –
دة بشكل عام .. تعالى بقي نشوف سؤال سؤال

Integrated Campus Task السؤال التالت
دة بيبقي موقف حصل فى الجامعة .. فى الغالب بيبقي اعلان نزل عن حاجة معينة .. وبعدها اتنين أو تلاتة طلبة بيتكلموا عن الاعلان دة بيقولوا رأيهم
:على سبيل المثال
New dormitory rules أو مثلا New parking rules ممكن الاعلان يبقي عن
وتلاقي مثلا اتنين طلبة معترضين على القوانين الجديدة دى أو موافقين
دورك انت بقي انك تفهم العلاقة بين الاتنين وتجاوب على السؤال فى خلال 60 ثانية
What is the relation between the two passages ? لو كان السؤال عن العلاقة بين اللى سمعته واللى قريته
:اجابتك لازم تبقي مرتبة بالشكل الآتي
The reading passage was discussing the memo put on ….. . It says that the students ……. (brief on the passage).
On the other hand, two students were expressing their opinions towards the (what was mentioned in the reading) ….. .
Summarize their supporting ideas.
:لو كان السؤال عن رأي واحد من اللي بيتكلموا فاجابتك لازم تكون بالنمط دة
The female/male student was expressing her/his opinion about the memo/ad mentioned in the reading.
The memo announced that ……. . But the student disagrees < or and the student agrees > on what is mentioned in the reading because reason 1 + reason 2
اتكلم بالراحة .. ال 60 ثانية كويسين أنك تذكر اللى قريته واللى سمعته .. بس فى نفس الوقت لو انغمست فى تفاصيل حاجة منهم الوقت هيضيع منك

Integrated Academic Task السؤال الرابع
ودي هتقرا فيها قطعة عن حاجة اكاديمية صغيرة .. مداة علمية يعني .. وبعدها بتسمع لمحاضر بيتكلم عن نفس المادة العلمية
How the reading and listening passages relate to each other ? السؤال بعدها بيبقي
ممكن يبقي المحاضرة بيعرض نفس فكرة القطعة أو بيعارض الفكرة أو بيدى أمثلة وتفاصيل أكتر
:اجابتك فى السؤال دة هتبقي على الشكل
The reading passage was discussing (subject of the reading). It mentioned that …… . Moreover, it added that …… .
The listening passage on the other hand was discussing the same/opposite idea + (subject of the listening passage).
Talk about details/reasons/supporting ideas

:فى السؤالين التالت والرابع
دة أهم مهارة لازم تتدرب عليها note taking كتابة الملاحظات –
لخص الفكرة الرئيسية للي قريته واعرف بشكل عام التفاصيل .. لكن ما تغوصش فيها –
عيد صياغة الكلام اللى قريته وسمعته بأسلوبك انت .. لو كنت كاتب الكلام بالنص وقريته فى اجابتك بيبان وبينقصك من سكورك –
اتأكد أنك وانت بتجاوب على السؤال بتشاور على قطعة القرراية أو المحادثة أو المحاضرة اللى سمعتها –

Integrated part 2 – Listening then speaking; no reading السؤال الخامس والسؤال السادس
وفى السؤالين دول بيختبر مهارتك على الاستماع والرد مع بعض بدون ما تكون قريت خلفية عن الموضوع
بعد ما بتسمع .. بيبقى معاك 20 ثانية لتحضير اجابتك على السؤال . و60 ثانية للتحدث بعد ما تسمع صوت البدء

Problem + Opinion السؤال الخامس
واحد منهم بيتكلم عن مشكلة ما وبيقترحوا حلين بيقولوا رأيهم فيها campus conversation فى السؤال دة هتسمع لمحادثة بين اتنين طلبة فى الجامعة
السؤال بيطلب منك تلخص المشكلة وتقول انت من رأيكتختار أنه حل من الاتنين اللى اقترحوهم وليه
مش هتتقيم انت مع انه رأي .. لكن هتتقيم على جودة اجابتك وتلخيصك للمشكلة وطريقة عرضك لاسباب اختيارك للحل
:فى السؤال دة
لخص المشكلة وعيد صياغتها بأسلوبك .. اوعي تقولها بنفس الأسلوب اللى سمعته بيها –
ركز كويس جدااا فى الحلول اللى بيقولوها وافهمها كويس وافهم اسبابها –
لازم تاخد موقف معين .. يعني تختار حل واحد تدعمه فى اجابتك والحل التاني لأ .. متعملش مكس بين الحلين وتقترح انت حل جديد من عندك –
أو كلام يبين ان اللى هتقوله دة رأيك الشخصى my opinion, I think, for me, I would go for وانت بتتكلم .. لازم يكون فى كلامك حاجة زي –
اعرض رأيك بوضوح جدااااا –
انهي كلامك فى الوقت المحدد ال 60 ثانية .. ماتنهيش قبل الوقت بكتير لأن معناها أنك ماستوعبتش كل حاجة اتقالت .. وما تتكلمش بزيادة فى التفاصيل –
قسم وقت الاجابة بالتساوي تقريبا بين عرضك للمشكلة وتدعيمك لحل معين وذكرك لأسباب التدعيم دة –
:حاول تخلي اجابتك بالنمط دة
The two students were discussing the male student problem. They were saying that …….. .
The students proposed two solutions. The first solutions is …… . The second solution is ……. .
In my opinion, the second one is better because ……. .
أو ممكن تغير صيغ الكلمات .. بس حافظ على نفس الترتيب

Academic Talk السؤال السادس
فى السؤال دة بتسمع لمحاضرة اكاديمية .. بيبقي فيها تفاصيل كتير
وانت بتسمع لازم تركز كويس جدااا عشان تستوعب أكبر قدر من التفاصيل .. انت فى الآخر هتتسأل أنك تلخص المحاضرة اللى سمعتها بتفاصيلها
:وانت بتفكر فى ال20 ثانية لردك
اهتم بالمضمون اللى المحاضرة ابتدي بيه الكلام –
وفرق بين الأفكار والمقارنات والمشاكل والحلول والأمثلة structure or organization of the talk ركز كويس جداا جداا فى طريقة عرض المحاضر للكلام –
note taking تاني ملاحظاتك اللى بتكتبها مهمة جداااا –
:اجابتك هتكون حاجة على الشكل
The lecture mentioned how x is related to (subject of the lecture). It said that …… .
Build the body based on the notes. Summarize!
Put a concluding sentence.
ما تمسكش فى حتة تفصيلة صغيرة وتقعد تتكلم عنها كتير وتنسي الوقت .. الهدف من السؤال دة أنك تعرف تلخص المعلومات المهمة اللى سمعتها
tone خد بالك من لهجة المتحدث ومستوي صوته

أى حاجة مكتوبة فى البوست دة باللون الأخضر مش المقصود بيها أنك تاخدها بالنص .. ممكن تغير فى الكلمات براحتك طبعا .. بس ترتيب الكلام بالشكل دة مهم جدااا
لو كان مستواك مش كويس .. بالتدريب هتلاقي نفسك واثق جداا فى اجاباتك اللى بتقولها Speaking ماتخافش من ال

دلوقت ارجع للماتيريال اللى رفعناها فى أول بوست وابدأ بص على أمثلة الأسئلة الموجودة ودرب نفسك على الالتزام بالوقت
لو قدرت تتكلم قدام حد عارف أن مستواه كويس فى الانجليزي .. خليه يسمعك ويعدل على نطقك وكلامك
الجزء دة حلو أوي أنك تسمع رأي حد سمع اجابتك يقولك ازاى تحسن من مستواك

مشاركة من أحد المتابعين للبوستات .. دخل الامتحان وكان بيزاكر من الفيديوهات اللى فى اللينك دة
اسمع منها الاجابة ممكن تبقي ازاى
اتدرب كويس جداا على الأسئلة لحد ما توصل مرحلة أنك حافظ هتقول ايه فى كل سؤال

Writing فى البوست الجاي هنتكلم عن الجزء الأخير فى الامتحان وهو ال
لو انت مش مهتم بامتحان التويفل بس تعرف حد ناوي يدخله ممكن تعمله شير للبوستات دى .. خلاصة تجربة شخصية حابب أى حد يستفاد منها
🙂 🙂

تعديل: ممكن دلوقت تزاكر كل الاجزاء من اللينك دة
https://abdelrahmanhosny.com/category/toefl-ibt/

7 thoughts on “Speaking Section .. عايز امتحن التويفل

  1. HELLO THANK YOU FOR YOUR EFFORT AND I WANT TO ASK YOU IF YOU HAVE THE LISTENING MATERIALS …
    COULD I HAVE IT …
    THANX A LOT

    Like

      1. thanks for quick respond but i cant find any voice material only books …
        sorry for that…:0

        Like

  2. ets في نايل اكاديمي تبع IBT لو سمحت هو انا امتحنت ال
    ومطلوب للتقديم للدكتوراه توفل دولي او ايلتس اوتوفل مؤسسي صادر من هيئة أميدايست
    ليها علاقة باميد ايست ولا ets فهل اللي معايا ده ينفع وهل

    Like

    1. في نايل اكاديمي عملولك اكاونت علي ets؟ تقدري تدخلي اونلاين تشوفي السكور بتاعك وتبعتيه؟
      لو كدة يبقي اللي معاكي هو دة الدولي .. ودة ممكن تقدمي بيه
      لو لأ يبقي محتاجة تكلميهم تستفسري منهم

      Like

leave your feedback

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s